gujarti-dishગુજરાતી થાળી

ગુજરાતીનું જમણ ચટ પટુ
મોમાં આવે પાણી
પણ બોલવામાં એવું અટપટું
કે જાણે ફૂટે ધાણી

નથી માનતા? તો લો આ સાંભળો
ખાણીપીણી ની  વાણી

હાંડવો ને લાડવો
ખાખરા ને ખાંડવી
ઊંધિયું ને ઓસામણ
કે પછી  ઢોકળા ને ઢોકળી

ગોટાને ગાંઠિયા
પાપડી ને ખીચડી
ખમણ ને ખડ્ખાડિયા
વળી છાશ ને ઘેંશ

પાતરા ને મુઠિયા
પાપડ ને પીઠલું
ઘારી ને ઘૂઘરા
રોટલા ને ગોટલા

એટલે મારું માનો તો
કાન બંધ કરીને શાંતિથી
આરોગો ગુજરાતી થાળી

–મિનલ પંડ્યા